Dakigunez, hau da KromoenProiektua bezero-programa gidatzeko erabiliko den menua eta une honetan J aukerari dagokiona azalduko dugu:
============================================================================= | MENUA | ============================================================================= | A. Kromo guztien informazioa erakutsi (MAIATZEKO AZTERKETA) | | B. Falta diren kromoak zerrendatu (MAIATZEKO AZTERKETA) | | C. Kromo bat sartu (MAIATZEKO AZTERKETA) | | D. Kromo bat trukatu (MAIATZEKO AZTERKETA) | | E. Jokalari baten informazioa erakutsi (MAIATZEKO AZTERKETA) | | F. Ale kopuruekin fitxategia eguneratu (MAIATZEKO AZTERKETA) | |---------------------------------------------------------------------------| | G. 4 toki-arrayak sortu eta ikusi (UZTAILEKO AZTERKETA) | | H. Taldearen konfigurazioa hautatu (UZTAILEKO AZTERKETA) | | I. Taldea osatu eta bere puntuazioa kalkulatu (UZTAILEKO AZTERKETA) | |---------------------------------------------------------------------------| | J. Bilduma-fitxategitik kromo bat kendu eta beste kromo bat txertatu | | K. Lantaldeak proposatutako aukera (BLOGEKO ADIBIDEAK IKUSI) | |---------------------------------------------------------------------------| | L. Amaitu | ============================================================================= Zure aukera: |
J aukeran biltegi-fitxategiarekin lan egingo da kromo bat ezabatuz eta beste kromo bat txertatuz. J aukeran eskatzen dena hobeto ulertzeko J_aukera.exe programa exekutagarria ematen da Windows sistema baterako, non ezabaketa eta txertaketa burutzeko bi bide desberdin jorratzen diren:
- Kromoa ezabatzeko, jokalariari dagokion izenaren bilaketa egin ondoren fitxategi laguntzaile bat erabiltzen da
- Kromoa txertatzeko, berriz, kromoak izango duen bere posizioa eskatzen da eta array laguntzaile bat erabiltzen da
KROMOAK.DAT datu-fitxategia aukeratu ondoren, hona hemen exekuzioaren azalpena 5 urratsetan eta 5 irudi erabiliz.
Kenduko den jokalariaren izena teklatuaren bitartez irakurtzen da eta bere bilaketa burutuko da KROMOAK.DAT datu-fitxategian. Baiezkoan, izen horretako jokalaririk baldin badago, kromo hori bildumaren KROMOAK.DAT datu-fitxategitik kenduko da Laguntzailea.DAT fitxategi laguntzaileari esker.
Zehaztutako jokalaria kentzerakoan KROMOAK.DAT datu-fitxategi osoa prozesatuko da bi zati desberdinduz:
- Kenduko den jokalariaren aurreko elementuak Laguntzailea.DAT fitxategian gorde
- Kenduko den jokalariaren osteko elementuak Laguntzailea.DAT fitxategian gorde
Ondoren, KROMOAK.DAT datu-fitxategia ezabatu erase(file_aldagaia) prozeduraren bitartez, eta fitxategi laguntzaileari KROMOAK.DAT izena ezarri rename(file_aldagaia, string_aldagaia) prozeduraren bitartez.
Txertatuko den jokalariari zer posizio dagokion KROMOAK.DAT datu-fitxategian irakurri beharra dago. Zenbaki oso bat izango da baina ez edozein zenbaki oso, KROMOAK.DAT datu-fitxategiak dituen elementuen kopuruak baldintzatzen baitu gure datua.
KROMOAK.DAT datu-fitxategiaren zein posiziotan txertatuko den jokalari berria bere datuak eskatuko ditu programak: izena, taldea eta bere tokia zelaian.
Jokalari berria txertatzerakoan KROMOAK.DAT datu-fitxategi osoa prozesatuko da bi zati desberdinduz eta hiru urrats emanez:
- Txertatuko den posizio aurreko elementuak array laguntzaile batera igaro
- Array laguntzailearekin jarraituz, elementu berria gorde dagokin posizioan
- Txertatuko den posizio osteko elementuak array laguntzailera igaro
Ondoren, KROMOAK.DAT datu-fitxategiaren rewrite(file_aldagaia) egin eta array laguntzailearen informazio guztia KROMOAK.DAT datu-fitxategian idatzi.
Txertaketa egin ondoren KROMOAK.DAT datu-fitxategiaren azken elementuen iZenbakia eremuaren balioak desegokiak dira. Hori dela eta, KROMOAK.DAT datu-fitxategi osoa prozesatu beharra dago iZenbakia eremuaren balioak eguneratuz.
iruzkinik ez:
Argitaratu iruzkina
Iruzkinen bat idazteko Google-ko kontu bat behar duzu. Iruzkin guztien moderazio-ardura blogeko administratzaileari dagokio.